Pas vrasjes së liderit të IS dhe zëdhënësit të tij, ISIS duket ka në plan një tjetër strategji hakmarrëse.
“Daily Mail” shkruan se organizata terroriste ISIS nxit besnikët e saj që të ndezin zjarre në pyjet e SHBA-së dhe Evropës për të shkaktuar kaos ekologjik.
“Ndizni zjarret në pyjet e Amerikës, Francës, Britanisë dhe Gjermanisë, sepse ato janë të dhimbshme për ta”, thuhet në një poster të publikuar nga Quryash, një transmetues i Shtetit Islamik.
Thirrja vjen pas vdekjes së kreut të ISIS, Abu Bakr al-Baghdadi në një sulm amerikan në Siri muajin e kaluar. Al-Baghdadi hodhi veten në erë, së bashku me tre fëmijët e tij, gjatë një sulmi të 26 tetorit nga forcat speciale amerikane mbi një kompleks të fortifikuar në Idlib, në veri-perëndim të Sirisë.