fbpx

“Për ne gjithmonë është luftë”, flasin mjekët shqiptarë që shkuan në Itali

Italia4.jpg

Ekipi me 30 mjekë dhe infermierë nga Shqipëria, tashmë ka shkuar në Itali, në shërbim të të infektuarve me koronavirus. Ata u bënë kryefjala e mediave dhe e politikës italiane, pas ndihmës shqiptare në pandeminë, që ka goditur më rëndë shtetin tonë fqinj.

Media e njohur italiane “La Stampa” ka zhvilluar intervista me mjekët dhe infermierë shqiptarë, të cilët dje kanë filluar edhe punën në spitalet italiane. Disa prej tyre kanë treguar eksperiencat e tyre, faktin sesi e kanë pritur shkuarjen në Itali dhe se cfarë mund të bëjnë në këtë kohë pandemie.

Mjekët nga Shqipëria thonë se janë të vetëdijshëm që janë të rrezikuar më tepër nga të tjerët nga Covid-19, por se thonë se ky është misioni i profesionit të tyre, të shërojnë njerëz, në këtë rast ata me koronavirus. Media italiane ka zhvilluar intervista me mjekët nga Shqipëria dhe ka cituar disa prej tyre.

Ornela Gela

“Unë mendoj se për të gjithë shqiptarët Italia është shtëpia e dytë. Si thotë edhe Nënë Tereza, ne nuk mund të bëjmë gjëra të mëdha por mund të bëjmë gjëra të vogla me shumë dashuri”.

Doina Jano

“Gjithmonë kam dashur ta vizitojë Italinë. Fati donte që për herë të parë ta vizitoja pikërisht tani, për të ndihmuar njerëzit dhe mjekët italianë. Kjo eksperiencë do të jetë për mua edhe një përvojë profesionale”.

Alma Zelo

“Në momentin që nga Ministria e Shëndetësisë më pyetën nëse doja të isha pjesë e një ekipi mjekësh dhe infermierësh që do të vinin në Itali për të ndihmuar popullin italian, pa u menduar dy herë thashë Po sepse ne shqiptarët e duam Italinë.”

Erxhyment Lofca

“Kur më propozuan të vija këtu m’u desh ta mendoja për pak çaste. Nuk pranova menjëherë. Pastaj ndjeva që duhej ta bëja”.

Ornela Gela

“Unë kam studiuar në Itali, kam jetuar këtu dhe mendoj se kam lidhje më të forta me Italinë se të tjerët dhe sapo ma propozuan nxitova për të ardhur. Të dy prindërit e mi janë mjek dhe nuk e kundërshtuan vendimin tim. Iu thash që do shkojë dhe se shpresoj se do të fitojmë dhe do të fitojmë. Le të shpresojmë”.

Alma Zela

“Në fillim i thashë vetëm bashkëshortit tim dhe jo prindërve sepse kisha merak se do të shqetësoheshin dhe nuk do më linin të vija. Ata nuk e dinin derisa shkova në aeroport. Megjithatë tani kam mbështetjen e tyre. Unë pres të jap më të mirën time. Për momentin bëj teste tamponi për të zbuluar rastet me Covid-19 duke shpresuar që të rezultojnë negativ”.

Doina Jano

“Sigurisht që kemi frikë. Por ne jemi mjekë dhe kjo është detyra jonë. Çdo ditë të jetës sonë ne luftojmë kundër armiqve të padukshëm. Për ne gjithmonë është luftë. Edhe pse kam frikë dua të bëj më të mirën për popullin italian”.

Advertisement
REKLAMO NE REALNEWS +355 69 33 33 303