Përplasen dy “Benz”-a afër Spitalit të Kukësit, katër të plagosur

Një aksident me pasojë katër të plagosur ka ndodhur sot në afërsi të spitalit të Kukësit. Polica nis hetimet në vendngjarje

Në foto: Makina e aksidentuar në Kukës

Një aksident me katër persona të lënduar ka ndodhur sot pranë qytetit të Kukësit. Dy automjete tip “Benz” dhe “Benz ML” janë përplasur në afërsi të spitalit të qytetit dhe për pasojë është plagosur lehtë drejtuesi i benzit dhe pasagjeri i tij si dhe dy pasagjerë që udhëtonin me mjetin “Benz ML”.

Policia e Kukësit ka nisur hetimet për të zbardhur shkaqet e aksidentit.

Informacion paraprak

Më datë 09.10.2018, në hyrje të spitalit, Kukës, janë përplasur dy mjete, mjeti tip “Benz ML”, me drejtues shtetasin B.K., 26 vjeç, me mjetin “Benz” me drejtues shtetasin A.S., 24 vjeç.

Për pasojë janë dëmtuar lehtë drejtuesi i mjetit shtetasi A.S., dhe pasagjeri F.L., banues në Kukës, si dhe dy pasagjeret e mjetit tjetër, shtetaset T.T., rreth 68 vjeçe dhe R.K., rreth 70 vjeçe, ku ndodhen jashtë rrezikut për jetën.

Policia Rrugore dhe grupi hetimor ndodhen në vendgjarje ku po punojnë për përcaktimin e shkaqeve të aksidentit.

Lër një koment