Pezullohen fluturimet nga Aeroporti i Prishtinës, zbulohet shkaku

pezul.jpg

Dy fluturime janë anuluar të cilat ishin përgatitur që sot të fluturonin nga Aeroporti Ndërkombëtar i Prishtinës. E gjithë kjo si pasojë e grevës që punëtorët e ANP-së janë duke mbajtur prej tre ditësh.

Greva e punëtorëve të Aeroportit Ndërkombëtar “Adem Jashari” në Prishtinë po vazhdon edhe sot, kjo pasi përpjekjet për të dialoguar me menaxherin rreth kërkesave të tyre, deri më tani nuk kanë treguar rezultate.

“Nëse në dy ditët e mëparshme kemi pasur grevë njëorëshe, respektivisht dyorëshe, sot greva do të zgjasë 6 orë. Ajo do të nisë në orën 08:00 dhe do të përfundojë në orën 14:00.

Pesë kërkesat e tyre kyçe të punëtorëve karshi menaxhmentit të Aeroportit të Prishtinës janë kompensimi dhe benefitet për rrezikshmërinë, të eliminohen dallimet në pagesë në rastet ku punëtorët kanë detyrat dhe përshkrimin e njëjtë të punës, orët e njëjta të punës duke ngritur pagat e ulëta në nivelin e barabartë me kolegët, pagesën për përvojë të punës, orët e punës gjatë vikendit të paguhen, si dhe pagesa e shujtës”.

Në dy ditët e mëparshme, greva ka shkaktuar vonesa dhe tollovi në Aeroportin Ndërkombëtar të Prishtinës, duke bërë që shumë fluturime të shtyhen

 

REKLAMO NE REALNEWS +355 69 33 33 303