Pas plotësimit të kuotës prej 300 personash në ditë, autoritetet greke kanë mbyllur sportelet e kalimit të qytetarëve në Kapshticë. Ky vendim nga pala greke ka sjellë nervozizmin e qytetarëve të cilët shprehen se nëse nuk kalojnë brenda pak orëve në Greqi, u skadon afati i përgjigjes së tamponit dhe se do të detyrohen të bëjnë një tjetër.
“Të merren vesh shtet me shtet. Ne nuk kemi para të bëjmë tamponë të tjerë. Do të bëjmë grevë këtu. Kemi fëmijë dhe jemi të sëmurë. Ne paguajmë taksa në Greqi, paguajmë taksa në Shqipëri. Edhe grekët duhet të kuptojnë njëherë e mirë“, shprehet një qytetare.
“Na thonë se është mbushur kuota dhe nuk mund të kalojmë dot sot, por nesër në orën 06:00 të mëngjesit. Neve na skadojnë tamponët nesër, madje ka qytetarë që u skadon sot”, shprehen qytetarët.