fbpx

“Po përgatitet për humbjen tjetër”. Rama paralajmëron Bashën: Nëse mendon të vish në pushtet me formulë, atëherë…

Kryeministri Edi Rama në fjalën e tij gjatë konferencës së sotme, u ndal dhe te çështja e prishjes së koalicioneve parazgjedhore, ku theksoi se nëse Basha mendon se në pushtet vihet me formula dhe rrugë që nuk kalojnë nga vota e qytetarëve atëherë përgatitet për humbjen tjetër.

“Koalicionet nuk ndalohen dhe nuk do të ndalohen, së dyti në kohën që i referoheni kishim një sistem që e kishim akoma deri kur të ndryshojë dhe me atë kemi fituar dhe humbur, prandaj pyetja është pa sens, por çdo gjë është e përmirësueshme, edhe qeveria prandaj bëhen zgjedhjet dhe jo më përmirësimi i procesit zgjedhor. Ne po bëjmë një përmirësim të procesit zgjedhor. Nëse Basha mendon që në pushtet vihet me formula dhe me rrugë që nuk kalojë nga vota e qytetarëve, atëherë thjesht dhe vetëm përgatitet për humbjen tjetër. Nuk mendoj që në Shqipëri gjerat ndahen me formula, por tek mejdani. Kush ka më shumë vota fiton. Nëse PD-ja është e pandalshme nga ajo që deri dje e quante SHPK-ja e Monikës, me Ndokën, Fate Mediun, të gjithë me radhë askush nuk do i ndalojë” tha ai.