Policia ka arrestuar pak më parë një 35-vjeçar i cili tranportonte emigrantë të paligjshëm drejt vendeve të Bashkimit Europian, kundrejt parave. Në momentin që ka ndërhyrë policia ai tentoi që të largohet, por u kap nga uniformat blu disa metra më tutje.
“Strukturat e Drejtorisë Vendore të Policisë Korçë dhe të Drejtorisë Vendore të Kufirit dhe Migracionit Korçë, në kuadër dhe në zbatim të Planit të Masave për parandalimin dhe goditjen e veprimtarisë së kundërligjshme të dhënies ndihmë për kalim të paligjshëm të kufijve, finalizuan me sukses operacionin “Destinacioni”, si rezultat i të cilit u bë kapja dhe arrestimi në flagrancë i shtetasit I. B., 35 vjeç, banues në Tiranë.” – njofton policia.
