Po zhvillohej një ceremoni martesore, vjen gjoba e majme për lokalin në Durrës

dasma.png

Policia e Qarkut Durrës ka vënë një gjobë të majme prej 1 milionë lekësh të reja ndaj një restoranti, që po organizohej një ceremoni martese në këtë kohë koronavirusi.

Gjithashtu janë vënë në pranga edhe 3 shtetas, për vepra të ndryshme penale.

Strukturat e Drejtorisë Vendore të Policisë Durrës, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar në fshatin Verjon, Nikël, Fushë – Krujë, një lokal që organizonte ceremoni martesore në kundërshtim me Aktin Normativ, në mënyrë të përsëritur.

Për këtë subjekt me administrator shtetasin D. Ç., shërbimet e Policisë kanë vendosur masë administrative 1.000.000 lekë dhe mbyllje të aktivitetit për një periudhë 6-mujore.

Policia e Durrësit apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.

REKLAMO NE REALNEWS +355 69 33 33 303