Një vajzë 13-vjeçare shqiptare rezulton e zhdukur që prej ditës së premte (1 shkurt 2019) në Herst të Anglisë.
Denoncimi është bërë nga vetë e ëma e 13-vjeçares në stacionin policor të Saint Albans.
Policia britanike është vënë në lëvizje prej tre ditësh për të gjetur Megi Bugacin, teksa mësohet se është vënë në kërkim të një gruaja, e cila e shoqëroi mamanë e Megit drejt stacionit policor.
Nëna shqiptare mësohet se ishte me dy fëmijët më të vegjël, një djalë dhe vajzë, kur i kërkoi gruas misterioze se si t’i drejtohej stacionit më të afërt policor.
Ajo i shoqëroi të tre shqiptarët në stacionin policor të Saint Albans.
Por, kur nëna dha alarmin se vajza ishte zhdukur, gruaja ishte larguar kështu që oficerët nuk mundën ta merrnin në pyetje.
Hetimet e Policisë britanike
“Ne po bëjmë hetime dhe po përpiqemi të përcaktojmë se ku ka qëndruar kjo zonjë dhe si ka ardhur ajo atje. Megjithatë, përparësia jonë kryesore është të gjejmë vajzën e saj të sigurt dhe mirë”.
Kryeinspektori Hanks deklaroi: “Jemi të interesuar të flasim me cilindo që e pa gruan dhe dy fëmijët e saj më të vegjël në zonën e Saint Albans të premten, 1 shkurt 2019. Çdo informacion që mund të ofroni mund të jetë thelbësor për hetimin”.
Përshkrimi i Megit
“The Sun” shkruan se 13-vjeçarja Megi Bukaci është rreth 150 centimetra e gjatë, me flokë të gjatë dhe sy ngjyrë kafe.
Herën e fundit që është parë kishte veshur xhinse të zeza, xhaketë blu dhe një palë vathë ngjyrë të argjendtë.
Gjithashtu adoleshentja shqiptare ka një shenjë pranë syrit të djathtë. (real-news.tv)
