Presidenti i Republikës, Ilir Meta ka nderuar me titullin “Kalorës i Urdhrit të Skënderbeut”, solistin e Operës Shtetërore të Vjenës dhe koreografin e mirënjohur shqiptar, Eno Peçi.
Përmes një statusi në “Facebook”, kreu i shtetit shkruan se Peçi ka spikatur në skenat evropiane duke nderuar veten dhe kombin shqiptar të tërësi.
“Me mirënjohje të thellë i dorëzova Titullin e lartë “Kalorës i Urdhrit të Skënderbeut”, solistit të Operës Shtetërore të Vjenës dhe koreografit tonë të mirënjohur Eno Peçi.
Talenti i spikatur dhe përkushtimi i palodhur e kanë ngjitur atë në majat më të larta të skenës evropiane dhe botërore, duke nderuar veten dhe vendin e tij.”