fbpx

Princi tërhiqet nga funksionet publike pas skandalit seksual

prince-andrew-02-800-600x360.jpg

Duka i Jorkut ka thënë se do të heqë dorë nga të gjitha detyrat mbretërore për një “kohë të caktuar”, për shkak të skandalit ku është i përfshirë, Jeffrey Epstein.

Princi Andrew ka thënë se lidhjet e tij me të dënuarin për krime seksuale kanë krijuar “përçarje të mëdha” në Familjen Mbretërore.

Ky lajm vjen pasi Duka është përballur me kritika të mëdha pas një interviste të realizuar nga transmetuesi BBC. Në letrën e shkruar për gazetën the Times nga Pallati Buckingham më 2011 shprehen dyshime për kohën kur Duka ka takuar për herë të parë Epsteinin.

Në letrën e vitit 2011, thuhet se ata janë takuar në fillim të viteve 1990, dhe jo 1999 siç ka pretenduar princi në intervistën e BBC-së.

Gjatë intervistës, ai ka thënë se e ka takuar Epsteinin “përmes të dashurës së tij më 1999”, një referencë për Ghislaine Maxwell, e cila ka njohur Princin prej kur ajo ka qenë në universitet.

Letra e vitit 2011 është publikuar pasi The Times ka raportuar për ekzistencën e një fotografie të princit dhe 17-vjeçares, Virginia Giuffre, atëbotë e njohur si Roberts, e cila më vonë ka thënë se është detyruar të ketë marrëdhënie seksuale me të.

Duka ka mohuar çfarëdo kontakti apo marrëdhënie me Roberts.

Ai ka thënë se i ka kërkuar Mbretëreshës nëse mund të heqë dorë nga detyrat publike dhe ajo i ka dhënë leje./real-news.tv/

REKLAMO NE REALNEWS +355 69 33 33 303