Meghan dhe Harry kanë rënë dakord të filmojnë një shou-realiteti dhe fokusi do të jetë në jetën e tyre të përditshme dhe punën humanitare.
Për tre muaj të tërë, kamerat e Netflix do t’i ndjekin ata në shtëpinë e tyre dhe në terren, dhe do të përpiqen të portretizojnë jetën e çiftit para audiencës.
Një burim i afërt me çiftin shpjegoi për mediat britanike se gjithçka do të filmohej ‘me delikatesë dhe shumë më lart se standardet e shfaqjeve të realitetit me të cilat jemi përmbytur në kanale sot’.
Meghan dhe Harry duan të përqendrohen në punën e tyre humanitare, duke u kujdesur për të varfrit dhe nevojtarët dhe t’u tregojnë njerëzve se çfarë bëjnë.
Nga ana tjetër, Netflix padyshim që i dëshiron ata në qendër të vëmendjes, kështu që të gjitha palët ishin të kënaqura me marrëveshjen.
Thuhet se çifti ka rënë dakord për shumën e 112 milionë funte me Netflix.