21.5 C
Tirana
E diel, 26 Maj, 2024

TË FUNDIT

Protesta në Kolumbi, qeveria arrin marrëveshje me studentët

spot_img

Pas më shumë se dy muaj protesta, 13 marshime masive, 16 seanca dialoguese dhe disa studentë të lënduar rëndë, qeveria dhe përfaqësuesit e lëvizjes së studentëve dhe mësuesve në Kolumbi më në fund kanë arritur një marrëveshje.

Greva e studentëve arriti të mobilizojë vendin në mbrojtje të arsimit të lartë publik, duke detyruar qeverinë të shtojë buxhetin për arsimin prej mbi 1 miliardë dollarë.

Por, pjesa më e madhe e marrëveshjes do të materializohet vitin e ardhshëm.

Protestat paqësore të mbajtura në 32 universitet në të gjithë vendin u shoqëruan me dhunë nga ana e policisë.

Në Universitetin e Cauca, të qytetit Popayan, policia sulmoi studentët me gaz lotsjellës si dhe me granata tymuese. Përdorimi i forcës la pas dhjetëra të plagosur, 8 prej të cilëve në gjendje më të rëndë.

Disa studentë u plagosën edhe kur u strehuan brenda ndërtesave të ndryshme në kampusin universitar. Esteban Mosquera, një student i muzikës në Universitetin e Cauca humbi një sy pasi policia i hodhi një granatë tymuese në fytyrë.

Protesta mori përmasa kombëtare, çka detyroi presidentin e vendit, Iván Duque të rifillojë negociatat që më parë ishin pezulluar.

Pas orëve të diskutimit, ata arritën në një marrëveshje paraprake për disa pika të kërkesës së paraqitur nga Bashkimi Kombëtar i Studentëve të Arsimit të Lartë (UNEES) dhe organizatat e tjera studentore dhe vendosën negociata të mëtejshme për të diskutuar pikat e tjera.

Studentët dhe mësuesit e shkollave kanë demonstruar të kërkojnë investime më të larta për arsimin publik, pagesë më të mirë të mësuesve dhe përmirësim të qasjes arsimore në mbarë vendin. Marshimet e tyre iu bashkuar qytetarët, të cilët shprehën solidaritet me studentët dhe kërkojnë një sistem autonom arsimor më të mirë.

 

spot_img

Latest Posts

spot_img

Më të lexuarat