fbpx

Protesta, studentët e nisin me bllokimin e rrugëve

Screenshot_3-13.png

Studentët do të mblidhen sërish sot për të protestuar për plotësimin e 8 kërkesave të tyre.

Sikurse këto ditë, ata kanë paralajmëruar përshkallëzim të protestës së tyre duke bllokuar rrugët nga ora 09:30 deri në orën 14:00.

Së pari kanë qenë studentët e Ekonomikut që kanë bllokuar rrethrrotullimin tek Fakulteti, duke shkaktuar kaos në qarkullim dhe radhë të gjata të automjeteve. Atyre iu janë bashkuar edhe studentët e Gjeologjikut.

Ndërkohë, në orën 10: 20 studentët e Mjekësisë pritet të bllokojnë kryqëzimin tek 9-Katëshet, ndërsa ato të Sporteve do të bllokojnë 21-Dhjetorin.

Studentët nga Fakulteti i Inxhinierisë së Ndërtimit dhe i Arkitekturës kanë vendosur të mblidhen direkt përpara kryeministrisë ndërkohë studentë nga universitete të tjera do të bllokojnë qarkullimin tek rrethrrotullimi i Ekonomikut, kryqëzimin e rrugës se Elbasanit.

Kryefjala e studentëve është plotësimi i 8 pikave nga kryeministri Edi Rama, por jo me dialog, ndërkohë që ky i fundit ka nisur mbrëmjen e djeshme një seri takimesh me pedagogë dhe studentë.

Ata bëjnë thirrje që ashtu si ditët e tjerë të gjithë studentët të bojkotojnë mësimin. ndërsa i bëjnë thirrje që edhe universitetet e rretheve t’i bashkohen protestës së tyre në Tiranë.

Basha – Kryemadhi të mos na afrohen

Por ndërkohë që me kryeministrin nuk pranojnë dialog, kanë edhe një mesazh për dy liderët e tjerë, Basha dhe Kryemadhi, që mos t’i afrohen protestës së tyre.

Ndërkohë mësohet se sot, pas protestës studentët e mjekësisë kanë lënë për të bërë një votim nëse duan dialog apo jo. Argumenti i tyre pro dialogut është sepse nuk po arrijnë t’ia dalin dot. /Real-news.tv/

Advertisement
REKLAMO NE REALNEWS +355 69 33 33 303

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *