fbpx

Qeveria Kurti zgjedh drejtorin e Agjencisë së Akreditimit

1000x563_cmsv2_10651194-d6bc-51d7-b3d9-ca4f22cbe327-4476738.jpg

Qeveria e Kosovës ka votuar ditën e sotme shqyrtimin e propozim-vendimit për emërimin e drejtorit të përgjithshëm të Agjencisë Kosovare të Akreditimit, raporton Gazeta Express

Propozimin e ka bërë ministri i Punëve të Brendshme dhe Administratës, Agim Veliu.

Ai ka thënë se në komision përzgjedhës kanë qenë tre sekretarë, një përfaqësues i Universitetit të Prishtinës dhe një nga organizatat joqeveritare.

“Janë shqyrtuar 13 kandidatë, dhe 11 prej tyre kanë hyrë në listë të shkurtër”, ka thënë Veliu.

Tre kandidatë janë rekomanduar si më të përshtatshëm: Afrim Lokaj, Rifat Morina dhe Naim Gashi, që ka pasur më së shumti pikë nga kompania britanike.

Emrat e kandidatëve janë publikuar në faqen e Ministrisë dhe pas publikimit është respektuar afati 8 ditor për ankesa”, ka shtuar ai.

Si kandidat Ministria e ka propozuar Naim Gashin, që është miratuar me shumicë të votave në Qeveri të Kosovës, pa asnjë votë kundër dhe abstenim.

Advertisement
REKLAMO NE REALNEWS +355 69 33 33 303