Sipas një studimi të kryer së fundmi, njerëzit me prejardhje afrikane po përballen me “paragjykime të përhapura dhe të rrënjosura” në të gjithë Bashkimin Europian.
Dhuna, profilizimi diskriminues nga oficerët e policisë dhe diskriminimi në kërkim të vendeve të punës dhe banimit janë të zakonshme për shumë njerëz, tha agjencia e BE për të drejtat themelore (FRA).
Sipas studimit, Finlanda ka normat më të larta të diskriminimit dhe dhunës në lidhje me racën, ndërkohë që Mbretëria e Bashkuar ka normat më të ulëta.
Agjensia e BE-së u bëri thirrje vendeve të marrin masa.
“Është një realitet i turpshëm dhe i egër: racizmi i bazuar në ngjyrën e lëkurës së një personi mbetet një goditje e përhapur në të gjithë Bashkimin Europian”, tha drejtori i FRA, Michael O’Flaherty në parathënien e raportit.
Agjensia ka anketuar rreth 6,000 njerëz në 12 vende të BE-së – duke përfshirë Francën dhe Gjermaninë, midis viteve 2015 dhe 2016.
Rreth 30% e të intervistuarve thanë se kishin përjetuar një formë të diskriminimit racor në pesë vitet para sondazhit. Kjo vlen nga 63% e të anketuarve në Finlandë në 21% në Mbretërinë e Bashkuar dhe 20% në Maltë.
Pesë përqind e të anketuarve thanë se kishin përjetuar dhunë raciste, përfshirë edhe nga oficerët e policisë. Normat më të larta të dhunës raciste u regjistruan në Finlandë (14%), Irlandë dhe Austri (të dyja 13%). Normat më të ulëta janë vërejtur në Portugali (2%) dhe Mbretërinë e Bashkuar (3%).
Shumica thanë se nuk raportonin incidentet sepse ata mendonin se nuk do të ndryshonte asgjë, ose për shkak se nuk kishin besim ose kishin frikë nga policia, thuhet në raport.