Presidenti Ilir Meta, nëpërmjet një postimi në rrjetet sociale, ka reaguar para pak minutave në lidhje me raportin vjetor të Qendrës Europiane të Drogërave.
Sipas Metës, raporti është një kambanë e fortë alarmi, që duhet të bashkojë të gjitha përpjekjet, për të mos lejuar përsëritjen e këtij fenomeni që ka dëmtuar Shqipërinë.
“Përqendrimi i Policisë së Shtetit, Shërbimit Informativ Shtetëror, Prokurorisë dhe agjencive ligjzbatuese në luftën kundër kanabisit është i domosdoshëm.Raporti vjetor i Qendrës Europiane të Drogave i publikuar së fundmi, është një këmbanë e fortë alarmi që duhet të zgjojë dhe t’i bashkojë të gjitha forcat e përpjekjet për të mos lejuar kurrë më përsëritjen e këtij fenomeni kanceroz për shoqërinë, që aq shumë e ka dëmtuar imazhin e Shqipërisë.Lufta kundër kanabisit është kusht për integrimin europian dhe çdo neglizhencë në këtë drejtim do kishte pasoja tepër të rënda për të ardhmen e vendit”, apelon Presidenti.