fbpx

Rekord të infektuarish në Maqedoninë e Veriut, 325 raste vetëm në Shkup, humbin jetën 12 pacientë

Rekord të infektuarish me koronavirus janë konfirmuar këtë të mërkurë në Maqedoninë e Veriut.

Ministria e Shëndetësisë bëri të ditur se gjatë 24 orëve të fundit janë bërë 2.688 testime dhe janë regjistruar 641 raste të reja me koronavirus dhe kanë humbur jetën 12 pacientë.

Rastet e reja janë konfirmuar 325 janë në Shkup, Kumanovë 26, Dibër 1, Shtip 25, Prilep 38, Tetovë 25, Veles 10, Manastir 14, Ohër 10, Kavadar 25, Gostivari 11, Gjevgjeli 20, Strumicë 24 dhe më pak se 10 raste në qytetet e tjera.

Gjithashtu kanë humbur jetën 12 persona, mes të cilëve tre janë nga Shkupi (52, 73 dhe 85 vjeç), një nga Kumanova (59), dy nga Prilepi (78 dhe 75), dy nga Velesi (61 dhe 62), dy nga Gostivari (43 dhe 76), një nga Strumica (66) dhe një nga Sveti Nikole.

Nga fillimi i pandemisë e deri më tani janë konfirmuar të infektuar me koronavirus 24836 persona mes të cilëve 862 persona kanë humbur jetën.