fbpx

Rikthehet sot Champions League / Interi përballë “murit” të Borussia, të gjitha sfidat…

5dc0a78cf261c-768x441.jpg

Pas ecurisë së shkëlqyer në këtë sezon të Serie A, Inter kërkon vazhdimësinë edhe në Champions League. Ky mision i Antonio Conte dhe të besuarve të tij kalon nga një sfidë direkte dhe e vështirë siç është transferta kundër Borussia Dortmund. Zikaltërve nuk iu lejohen gabimet. E thotë Conte, por edhe shifrat në renditjen e Grupit F.

Inter dhe Borussia kanë nga katër pikë pas tre ndeshjeve të para, ndërsa falë fitores në sfidën direkte, italianët mbajnë vendin e dytë me tri pikë më pak se Barcelona. Në këtë mënyrë, një humbje do të ndërlikonte shumë kualifikimin. Conte pret golat e dyshes Lukaku-Martinez që deri tani nuk kanë zhgënjyer, teksa kthehet në dispozicion edhe Sensi, megjithëse vështirë se do të luajë nga minuta e parë.

Ndërkohë, në dyshim për gjermanët është vetëm kapiteni Marko Reus, i rikuperuar nga dëmtimi, por aktivizimi i tij është në pikëpyetje. Në sfidën tjetër të Grupit F, Barcelona ka shansin më të mirë për t;u shkëputur në vendin e parë.

Kampionët spanjollë presin në “Camp Nou” Slavia Prague dhe në letër, Messi dhe shokët e tij nuk duhet ta diskutojnë fitoren. Pritet të vendosin shumë sfidat e mbrëmjes së sotme në grupin E.

Liverpool pret në fushën e tij Genk, ndërsa Jurgen Klopp dhe të besuarit e tij janë favoritë absolutë. Në fushën e tij luan edhe Napoli. Kryesues deri në këtë moment, italianët e Carlo Ancelotti përballen me Salzburg, por rezultatet negative të javëve të fundit në Serie A kanë përshtjelluar atmosferën te napolitanët.

Një sfidë direkte për kreun rezervon Grupi H. Chelsea luan në “Stanford Bridge” kundër Ajax. Dy javë më parë, Blutë e Londrës fituan në Amsterdam, ndërsa një tjetër sukses do të afronte skuadrën e Frank Lampard me kualfikimin. Në sfidën tjetër të këtij grupi Valencia luan kundër Lille.

Me interes edhe ndeshjet e Grupit G, deri tani shumë i ekuilibuar. Leipzig ka diçka më shumë se rivalët, por shumë gjëra mund të ndryshojnë në transfertën ruse kundër Zenit. Përballja tjetër e grupit do të diskutohet mes Lyon dhe Benfica.

Advertisement
REKLAMO NE REALNEWS +355 69 33 33 303