fbpx

SHBA-Korea e Jugut organizojnë stërvitje të përbashkët ushtarake

download-5.jpg

Shtetet e Bashkuara dhe Koreja e Jugut kanë nisur ditën e sotme një stërvitje ushtarake të shkallës së vogël, disa ditë para takimit të planifikuar të Sekretarit amerikan të Shtetit, Mike Pompeo, me zyrtarë koreano-veriorë në Nju Jork.

Programi i Marinës koreane për shkëmbim ka qenë pjesë e stërvitjeve të pezulluara në muajin qershor, pasi presidenti amerikan Donald Trump kishte premtuar pezullimin e stërvitjeve ushtarake, pas mbajtjes së samitit me kreun koreano-verior Kim Jong-un në Singapor.

Stërvitjet e mëdha vazhdojnë të jenë të pezulluara, mirëpo Uashingtoni dhe Seuli kanë vazhduar të realizojnë stërvitje të përbashkëta të shkallës së vogël.

Në stërvitjet e tanishme janë duke marrë pjesë 500 marinsa amerikanë dhe koreano-jugorë, afër qytetit Pohang. Ministri koreano-jugor i Mbrojtjes ka thënë se para përfundimit të vitit, Seuli dhe Uashingtoni do të vendosin nëse do të realizojnë stërvitje masive ushtarake vitin e ardhshëm.

Ndërsa, sekretari amerikan i shtetit Pompeo ka njoftuar se do të takohet me homologun e tij koreano-verior, Kim Yong-chol në ditët e ardhshme, për të diskutuar kërkesat amerikane për denuklearizimin e Penianit, si dhe për plane të tjera, duke përfshirë mbajtjen e një samiti të dytë mes udhëheqësve të të dyja shteteve.

“Shpresoj se do të arrijmë përparim, duke përfshirë përpjekjet për t’u siguruar se do të ndodhë një samit i dytë mes dy udhëheqësve, ku mund të shtyjmë përpara çështjen e denuklearizimit”, ka shtuar ai.

Trump dhe Kim Jong-un patën bërë zotime të mëdha në aspektin e denuklearizimit të gadishullit Korean, por nuk është bërë shumë përparim që nga mbajtja e samitit.

Advertisement
REKLAMO NE REALNEWS +355 69 33 33 303

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *