33.5 C
Tirana
E premte, 19 Korrik, 2024

TË FUNDIT

Sherr në Partizani-Flamurtari, reagon ashpër FSHF

spot_img

Dhuna e ushtruar nga tifozë të Partizanit ndaj fotografit të Flamurtarit ishte një ngjarje shumë e turpshme në ndeshjen e djeshme.

Në lidhje me këtë ka reaguar edhe Federata Shqiptare e Futbollit. Institucioni më i lartë i futbollit në vend dënon incidentin dhe i bën thirrje klubeve të punojnë me tifozeritë.

“Federata Shqiptare e Futbollit dënon me ashpërsi dhunën e ushtruar ndaj zyrtarit të klubit Flamurtari gjatë ndeshjes Partizani – Flamurtari të zhvilluar mbrëmjen e djeshme në stadiumin “Selman Stërmasi”. Një ngjarje e tillë nuk ka aspak lidhje me lojën e futbollit dhe frymën “Fair Play” që duhet të përcjellin të gjithë. I bëjmë thirrje klubeve që të punojnë sa më shumë me tifozeritë dhe stafet e tyre që ngjarje të tilla të mos përsëriten më.

Në të njëjtën kohë i bëjmë thirrje organeve ligjzbatuese, Policisë së Shtetit dhe Prokurorisë që të vendosin përpara ligjit agresorët të cilët janë evidentuar nga pamjet filmike. FSHF dhe zyrtari i Klubit Flamurtari kanë dorëzuar kallëzimin penal, tani është koha që Policia të veprojë. Situata dhe ngjarje të tilla nuk duhet të përsëriten më në stadiumet shqiptare.

FSHF do të qëndrojë në kontakte të vazhdueshme me autoritetet përkatëse të rendit dhe me klubet për ti dhënë një zgjidhje përfundimtare këtij problemi, që dëmton dhe cenon imazhin e futbollit shqiptar”. /real-news.tv/

spot_img

Latest Posts

spot_img

Më të lexuarat