fbpx

Shifra tronditëse nga KLSH: Buxheti po shpërdorohet

klsh-640x340_1544013226-1244528.jpg

Kjo do të thotë se institucionet publike kanë shpërdoruar një shumë sa 24% e gjithë buxhetit të shtetit për këtë vit. Sipas KLSH-së, shuma totale e shkeljeve shkon në mbi 120 miliardë lekë, ku pjesa më e madhe ka ardhur si rezultat i shpenzimit pa efektivitet të fondeve.

Dëmi i drejtpërdrejtë ekonomik, si rezultat i parregullsive dhe shkeljeve financiare, vlerësohet nga KLSH në shumën e 40 milionë eurove. Pjesa më e madhe e dëmit ekonomik për këtë vit është shkaktuar në procedurat e koncesioneve, PPP-ve dhe shitjes së pronës shtetërore, e ndjekur nga aktiviteti i doganave dhe nga prokurimet publike.

Gjithsej, Kontrolli i Lartë i Shtetit ka bërë 82 auditime këtë vit, nga të cilat kanë dalë afro 1900 rekomandime dhe janë kërkuar afro 700 masa disiplinore dhe administrative ndaj nëpunësve publikë, raporton “scan”.

Përveç masave administrative, Prokurorisë i janë përcjellë 34 kallëzime penale. Ndër zyrtarët e kallëzuar, janë kryetari i Entit Rregullator të Energjisë, zëvendësdrejtori i Aviacionit Civil, si edhe disa kryetarë dhe ish-kryetarë të bashkive.

Advertisement
REKLAMO NE REALNEWS +355 69 33 33 303

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *