Pas deklaratës së zëdhënëses së BE, Maja Koçijançiç në lidhje me se si do ndikojnë negociatat nëse Ilir Meta shkarkohet si president, ka ardhur reagimi i Presidencës.
Zëdhënësi i Metës, Tedi Blushi i ka bërë kërkesë Fax News, që t`i dërgojnë dërgojini znj.Koçijançiç raportin final të misionit të OSBE/ODIHR për 30 qershorin, ku flitet dhe për dekretin e Presidentit Meta.
Më tej, Blushi shkruan se të hënën do do bëhet publik raporti i Presidencës për Komisionin e Venecias.
Postimi i Blushit:
Të dashur kolegë të Fax News,
Ju lutem dërgojini znj.Koçijançiç raportin final të misionit të OSBE/ODIHR për turpin e 30 qershorit, ku flitet dhe për dekretin e Presidentit Meta.
Po kështu tregojini që Presidenti Meta është shumë i kënaqur që Kuvendi ka ftuar Komisionin e Venecias të vlerësojë nëse Presidenti Meta ka respektuar apo jo Kushtetutën.
Nga e hëna do bëhet publik raporti i Presidencës për Komisionin e Venecias dhe për të gjithë institucionet demokratike, se si Presidenti Meta ka mbrojtur në mënyrën më transparente, jo vetëm Kushtetutën e Republikës së Shqipërisë, por edhe detyrimet e vendit ndaj Konventës Europiane të të Drejtave të Njeriut dhe po kështu detyrimet ligjore që burojnë nga Marrëveshja e Stabilizim Asociimit midis Shqipërisë dhe Bashkimit Europian.
