Shpallet gjendja e fatkeqësisë natyrore, reagon PD

Pasi qeveria vendosi që të shpallë gjendjen e fatkeqësisë natyrore, vjen reagimi i parë zyrtar nga Partia Demokratike. Përmes një mesazhi drejtuar mediave, PD ka përshëndetur vendimin, ndersa thekson se ky hap vjen 5 ditë pas kërkesës zyrtare të kryeopozitarit Lulzim Basha.

“Partia Demokratike përshëndet vendimin për shpalljen e gjendjes së fatkeqësisë natyrore, 5 ditë pas kërkesës zyrtare të Kryetarit të Opozitës Lulzim Basha. Akti i shpalljes së masës së jashtëzakonshme duhet plotësuar pa humbur më asnjë ditë nga Qeveria me vendimin për masat e kompensimit të dëmeve, procedurat, afatet, strukturat shtetërore përgjegjëse për vlerësimin e dëmeve, si dhe dëmet dhe subjektet që kompensohen. Sipas Kushtetutës dhe ligjeve të vendit, është detyim i shtetit shqiptar të përgjigjet për dëmet që shkaktohen nga pasojat e një fatkeqësie”, thuhet në reagimin e PD-së.