fbpx

“Shqipëria rrezikoi të vishej me të zeza”. Rama: Lufta e Vlorës, më e veçanta!

66-1-721x450.jpg

Kryeministri Rama mbajti një fjalim sonte në ceremoninë e 100-vjetorit të Luftës së Vlorës, të cilën e cilësoi si një nga luftërat më të veçanta në historinë e përbotshme të luftërave për nga përfundimi i saj

Nga Sheshi i Flamurit, Rama theksoi se një tjetër element i rëndësishëm është pjesëmarrja e jashtëzakonshme e grave në atë luftë

“Lufta e Vlorës është një nga luftërat më të veçanta në historinë e përbotshme të luftërave për nga përfundimi i saj. Një luftë e fituar nga pala që ishte objektivisht e humbur. Nëse Pavarësia e 8 viteve përpara Luftës së Vlorës i tregoi botës se shqiptarët ekzistojnë, është Lufta e Vlorës që tregon për herë të parë se dhe shteti shqiptar ekziston dhe ka forcën të ushtrojë të drejta të barabarta në raport me çdo etnitet tjetër sovran.

Për këtë themi se te Lufta e Vlorës gjendet një nga ato momentet formuese të shtetit të ri shqiptar. Kjo na bën të gjithëve që vlonjatëve t’u jemi borxhlinj dy herë, jo vetëm për Pavarësinë, por edhe për Luftën e Vlorës.

Shqipëria rrezikonte të vishej sërish me të zeza, nga Traktati i fshehtë i Londrës, por amerikanët e mbështetën atë që ndodhi, edhe përmes shtypit të tyre të lirë, që në atë kohë.

Një tjetër element i rëndësishëm është pjesëmarrja e jashtëzakonshme e grave në atë luftë. Ishin gratë që organizuan një rrjet shitjesh të bizhuterive për mjekime”, deklaroi kryeministri Rama.

 

REKLAMO NE REALNEWS +355 69 33 33 303