fbpx

Shqipëria, s’do të ketë vaksinë Anti-Covid, flet epidemiologu Alimehmeti

1200-630-5f9879ad4815d.jpg

Epidemiologu Ilir Alimehmeti thotë se Shqipëria është mes vendeve që nuk do të ketë vaksinë anti-Covid për këtë sezon të dimrit
Ai deklaroi se aktualisht janë 12 produkte në fazë klinike, me gjitha vuri theksin se përzgjedhja duhet bërë duke pasur parasysh të gjitha parametrat duke nisur që nga efektiviteti dhe siguria.
“Unë kam besim shumë të madh te autoritetet dhe më pak besim te forma me të cilën po përhapet informacioni për vaksinën. Ne kemi marrë pjesë në aleancën COVAX që nuk ka një kontratë as me Fizerin dhe as me Modernan. Nuk jemi të parët që do e marrim. Nëse bëhet një rregullim nga kjo aleancë do rrjedhë edhe tek ne. Nuk dyshoj që shumë shtete do i japin licencim edhe ndonjë vaksine tjetër. Jemi shumë herët për të folur kur nuk kemi asgjë në dorë. Covax do presë se kush i afrohet. Do të jetë në kontakt edhe me Fizerin dhe Modernan.
Rikthimin në normalitet, Alimehmeti thekson se është herët për ta parashikuar. Ai tha se shpresat janë që të ulet numri i personave që kanë nevojë për trajtim spitalor. Alimehmeti parashikoi një dimër të vështirë sa i përket rasteve, por theksoi se në pranverë do të mund të bëhet një bilanc se sa persona e kanë kaluar sëmundjen, gjë e cila ndoshta do të prodhojë edhe një mungesë interesi për prodhimin e vaksinës.
“Me kalimin e sezonit të dimrit ne do ta vëmë re më qartë efektivitetin e vaksinës. Kemi nevojë për më shumë të dhëna për ta kuptuar. Është e rëndësishme të pritet koha e duhur për të pritur konkluzionet e duhura. Sa i përket evidencave ka një piramidë. Të dhënat e flasin qartë. Imuniteti i tufës është një element dinamik.
Me Covax garantohet 20%. Ne duhet të bëjmë studimet tona për të kuptuar sa e kanë kaluar. Shifra është e rëndësishme në Tiranë dhe në zonat e tjera urbane. Do të vaksinohet personeli shëndetësor që nuk e ka kaluar dhe grupet e tjera me risk që nuk e kanë kaluar. Duhet të dimë qartë se sa njerëz e kanë kaluar virusin në Shqipëri. Tashmë kemi shumë raste rreth e rrotull. Duhet bërë një tjetër studim nga Akademia e Shkencave për të parë se sa % kanë antitrupa.
Duhet të punojmë shumë për vaksinimin. Shpresa është të ulet numri i rasteve që kanë shenja të rënda duke i dhënë mundësi trajtimit sa më të mirë të sa më pak pacientëve. Po ta shihni sot që flasim ne jemi pothuajse në normalitet. Duke parë parasysh që këtë dimër nuk do ketë vaksinë për ne, në pranverë do bëjmë llogaritë nëse kemi arritur përqindje shumë të larta të personave që kanë kaluar sëmundjen do të bjerë vlera e vaksinës. Normaliteti nuk mund të presë një molekulë të prodhohet apo jo“, deklaroi ai

REKLAMO NE REALNEWS +355 69 33 33 303