Një shqiptareje i ka humbur portofoli i saj dhe dokumentet në Itali, por ajo që ka ndodhur më pas është mjaft e pazakontë. Gruas, emri i së cilës nuk bëhet i ditur nga mediat italiane, i kanë mbërritur mesazhe të vazhdueshme në rrjetin social Facebook, nga personi që kishte marrë portofolin.
Në këmbim, për t’ia dorëzuar, i riu që rezultoi të ishte një djalë 24-vjeçar nga Azerbajxhani, i kërkoi të kryente marrëdhënie seksuale.
E ndjerë nën kërcënimin e tij pas mesazheve të pandërprera, shqiptarja bëri denoncim në polici, dhe së bashku me forcat karabiniere ajo i doli në një takim të riut, ku u bë i mundur edhe arrestimi i tij. Me vete 24-vjeçari kishte edhe portofolin e shqiptares.