Vedat Gashi është një nga kandidatët për Asamblenë e Nju Jorkut, duke triumfuar në garën e brendshme të Partisë së Pavarësisë në Nju Jork, ku mori edhe emërimin nga demokratët.
Kjo parti, që në zgjedhjet e kaluara mbështeti Kevin Byrne, tashmë ka vendosur të mbështesë avokatin nga Kosova.
Gashi ka fituar edhe mbështetjen e Familjeve të Punës dhe Barazisë së Grave, së bashku me emërimin demokrat.
“Jam i nderuar dhe i kënaqur që kam mbështetjen e Partisë së Pavarësisë së Nju Jorkut. Unë pres që të punoj me njerëz nga të gjitha anët për të bërë atë që është më mirë për distriktin tonë”, deklaroi Gashi.