Shtohen ndjeshëm viruset që vjedhin fjalëkalimet

images-6.jpg

Përdoruesit e prekur nga viruset që vjedhin fjalëkalime u rritën me 60% në 2019, sipas studimit të kompanisë së njohur të sigurisë kibernetike, Kaspersky.

Ato u rritën nga 600 000 në gjysmën e parë të 2018-ës në mbi 940 000 në të njëjtën periudhë të vitit 2019. “Hajdutët e fjalëkalimeve dhe viruset keqdashës të dizajnuara për të mbledhur të dhënat dixhitale të përdoruesve janë një nga armët më të rëndësishme në arsenalin e kriminelëve kibernetikë për të rrezikuar jetën private të përdoruesve”, theksojnë kërkuesit e kompanisë së sigurisë.

Ky lloj i veçantë i softuerit i vjedh të dhënat direkt nga shfletuesit dhe gjithashtu mund të dizajnohet për të vjedhur skedarë aplikimi siç janë shërbimet e mesazheve.

Gjatë gjashtë muajve të fundit, Kaspersky ka zbuluar kulmet e aktivitetit për këto viruse në Europë dhe Azi. Në shumicën e rasteve ata kanë synuar përdoruesit në vende të tilla si Rusia, India, Brazili, Gjermania dhe SHBA-ja.

REKLAMO NE REALNEWS +355 69 33 33 303