Gjatë takimit me gazetarët, Rama ka folur edhe për zgjedhjet lokale.
I pyetur nëse do të ketë një shtyrje të zgjedhjeve për në shtator, Rama përgjigjet duke thënë se kjo do të çonte në kundërshtim të plotë më Kushtetutën e Republikës.
“Nuk është utopi, por shkelje e kushtetutës dhe kjo është shumë e thjesht. Ka 100 gjera për të dialoguar, ata nuk duan as karrige dhe as pushtet, por duan që Shqipëria të jetë më e mirë. Duhen bërë shumë gjerë akoma dhe ka reforma që duhen bërë”, theksoi ai.
Më tej, Rama thekson se është i gatshëm të ulet në dialog, por shprehet se kurrsesi nuk do të dalë mbi Kushtetutën e shtetit.
“Është koha për t’u ulur në dialog dhe unë nuk vë kushte. Unë them kur do flasim? Ai më thotë flasim, por ik ti! I gatshëm për çdo gjë, por jo për të marrë përsipër që të dal unë mbi kushtetutën e vendit. Kam pasur një arsye shumë të fortë, sepse e kam ditur që do të ishte gurë në qafë për Shqipërinë, për procesin demokratik dhe për palët se do të kthehej në lojë. Edhe data e zgjedhjeve nuk shtyhet”, u shpreh Rama./real-news.tv