fbpx

Shumica e amerikanëve fajësojnë Trump për mbylljen e qeverisë

trump-4.jpg

Shumica e amerikanëve fajësojnë Presidentin Donald Trump më shumë se demokratët e kongresit për mbylljen e pjesshme të qeverisë amerikane, sipas një sondazhi të Reuters.

Dyzet e shtatë përqind e të rriturve bëjnë Trump përgjegjës, ndërsa 33 për qind fajësojnë demokratët në Kongres, sipas anketës së 21 dhjetorit, të kryer kryesisht pas fillimit të mbylljes së qeverisë. Shtatë për qind e amerikanëve fajësuan republikanët e Kongresit.

Mbyllja u shkaktua nga kërkesa e Trump, e kundërshtuar kryesisht nga demokratët dhe disa ligjvënës nga Partia e tij Republikane, që tatimpaguesit t’i japin atij 5 miliardë dollarë për të paguar një mur që ai dëshiron të ndërtojë përgjatë kufirit SHBA-Meksikë. Kostoja totale e murit është vlerësuar 23 miliardë dollarë.

Vetëm 35 për qind e të anketuarve thanë se ata mbështesin idenë që të jepen paratë për murin. 25 për qind thanë se mbështesin Trumpin për  mbylljen e qeverisë mbi çështjen.

Në një deklaratë, zëdhënësja e Shtëpisë së Bardhë Sarah Sanders tha, “Presidenti ka bërë të qartë se çdo projekt-ligj për financimin e qeverisë duhet të financojë në mënyrë adekuate sigurinë e kufirit”.

Deklarata nuk përmendi murin e propozuar të Trump.

Të dy dhomat e Kongresit u mblodhën për pak minuta ditën e enjte, por nuk morën ndonjë vendim për t’i dhënë fund mbylljes së qeverisë.

Demokratët dhe republikanët ishin ende shumë larg zgjidhjes së ngërçit, tha zëdhënësi i drejtuesit të Partisë Demokratike të Senatit  Justin Goodman në një deklaratë./real-news.tv/

 

Advertisement
REKLAMO NE REALNEWS +355 69 33 33 303

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *