“Si miza që rri në b*thë të kalit”/ Manjani kapet keq me Lleshajn për Alvinin

Ish-ministri i Drejtësisë, Ylli Manjani ka ironizuar dhe sulmuar keq ministrin e Brendshëm, Sandër Lleshajn për shpëtimin e Alvin Berishës nga kampi i ISIS në Siri.

Mananji  e ka cilësuar si një gjest të ulët dhe se politika shqiptare e bajati fare me këtë gjë.

Postimi nga Ylli Manjani

Përdorja e fëmijëve për kapital politik është poshtërsia më e madhe që politika shqiptare i bën popullit të vet.

I ulët si gjest sa më ska!

Le pastaj kur pushteti fryn muskujt për të treguar se bën dhe operacione policore në vend të huaj.

Policia që s’kontrollon ende territorin e shtetit nga krimi, që po i llullatë fëmijët me drogë në shkolla, na paska kryer një operacion policor në Siri…

Mirë që s’thanë që e rrëzonim edhe Asadin, po nuk deshëm!!!

Bajate fare! Si miza që rri në bythë të kalit dhe shet mend se po tërheq karrocën.

Në fund një foto për propagandë dhe një mesazh nga udhëheqja. Ndërkohë fëmija do riatdhesohet në Itali, jo në Shqipëri.

Për të qeshur e për të qarë njëkohësisht!

O Makron! Ti e ke fajin!