fbpx

Si të punoni nga shtëpia në mënyrë produktive

Në këtë kohë pandemie të shumta kanë qenë kompanitë të cilat i kanë lejuar punonjësit të vazhdojnë punën duke punuar nga shtëpia.

Këtu janë disa këshilla se si të jesh produktiv dhe efikas gjatë punës nga shtëpia.

Organizoni rutinën tuaj të përditshme sikur të jeni në zyrë.

Hiqni qafe çdo gjë që mund t’ju shpërqendrojë. E dimë që ka gjëra më interesante sesa dërgimi i raportit, por gjatë orarit të punës qëndroni larg televizorit dhe shfaqjeve tuaja të preferuara.

Vendosni përparësi.

Në këtë mënyrë do të jeni më produktivë dhe do të kurseni kohë. Studimet tregojnë se multi-tasking, pra performimi i disa aktiviteteve njëkohësisht, ul efikasitetin tonë.

Megjithëse puna nga shtrati duket si një ide e shkëlqyer, është më mirë ta shmangni atë.

Leximi ose përgjigjia e email-eve teksa jeni shtrirë do t’ju bëjë të punoni më ngadalë dhe si përfundim mund edhe t’ju zërë gjumi. Shtrirja në shtrat shkakton një sinjal në trurin tonë se është koha për t’u çlodhur, dhe se nuk ka nevojë të qëndrojmë të përqendruar dhe zgjuar. Pjesa tjetër e trupit tonë ndjek atë sinjal, dhe të qenurit i përqëndruar dhe produktiv bëhet vërtet e ndërlikuar.

Vendosni se ku do të jetë zyra juaj e shtëpisë dhe punoni aty.

Varet nga ju se ku dëshironi të punoni, në tavolinën e punës ose në tryezën në tarracë. Gjëja më e rëndësishme është që vendi të jetë qetë, në mënyrë që të mund të performoni në maksimum.

Mos harroni të jeni aktiv fizikisht!

Këshillohet të qëndroni në këmbë dhe të ecni gjatë orarit të punës, kështu që bëni të njëjtën gjë në shtëpi. Bëni pushim, stretching, disa ushtrime të shkurtra. Kjo është e rëndësishme sepse karriget që ne përdorim në shtëpi nuk janë të dizenjuara si karrige zyre.

Vaktet e rregullta mund të jenë gjithashtu një tjetër sfidë.

Planifikuat një pushim të shkurtër gjstë punës për të përgatitur diçka për të ngrënë, por ja që ju erdhi një kërkesë urgjente, pastaj edhe një tjetër, më pas një koleg kërkon ndihmën tuaj me patjetër! Dhe kështu, ju mbetët të uritur…

Zgjidhja mund të jetë kjo  përgatiteni ushqimin tuaj në mbrëmje për ditën e nesërme! Në këtë mënyrë as puna dhe as stomaku juaj nuk do të vuajë. Madje, do të argëtoheni duke gatuar. Kombinoni shijet dhe përbërësit tuaj të preferuar.