Sulmoi me thikë një grua, arrestohet sulmuesi

Një burrë i armatosur është arrestuar në qendër të Sidnejt, pasi ka sulmoi me thikë një grua edhe më pas është ndaluar në rrugë nga këmbësorët, ka thënë policia.

Policia ka thënë se ky person ka tentuar të kryejë edhe sulme tjera me thikë, dhe se ka identifikuar disa shenja të krimit.

Gruaja e plagosur është dërguar në spital dhe është në gjendje stabile.

Policia ndërkohë ka thënë se aktualisht nuk ekziston ndonjë rrezik për publikun, mirëpo u ka kërkuar njerëzve që të anashkalojnë qendrën e qytetit.

Në disa fotografi të publikuara në rrjetet sociale janë parë ekipet e emergjencës në skenën e sulmit.

Ende nuk dihet motivi i sulmit.

Pamjet  e postuara tregonin një burrë që po ecte me thikë në dorë dhe njerëzit që përpiqeshin ta neutralizonin, derisa u arrestua nga policia.