“Të dua çdo ditë e më shumë”, Klea Huta dhe Elgit Doda më të dashuruar se kurrë

Dy artistët e njohur shqiptarë, Klea Huta dhe Elgit Doda prej disa vitesh janë në një lidhje dashurie. Që prej publikimit të lidhjes së tyre, dy këngëtarët, kanë qenë të pandarë. Ata shihen gjithë kohën në shoqërinë e njëri-tjetrit, madje çifti prej disa muajsh ka nisur bashkëjetesën.

Klea shpeshherë ndan me ndjekësit e saj, foto të të dyve, por edhe momentet kur Elgiti bën gjeste të veçanta romantike.

Një rast të tillë, ka publikuar ajo në “Instagram”, në të cilin shihet një letër që partneri i saj i ka lënë në mëngjes ku shkruhet: “Mirëmengjes dashni!!! Të dua çdo ditë e më shumë. Të kam gjjthçka”. Këngëtarja e ka shoqëruar këtë post me një përgjigje të shkurtër por të ndjerë. “Jeta ime, drita ime”, ka shkruajtur ajo.

Duket se dashuria e tyre rritet me kalimin e kohës dhe të dy e ndajnë këtë fakt me të gjithë njerëzit që i ndjekin dhe i duan.