Kreu i PD, Lulzim Basha ka reaguar në rrjetin social ‘Facebook’ në lidhje me projektin për shembjen e Teatrit Kombëtar.
Ai shkruan se ky është një projekt kriminal grabitqar dhe e quan Ramën si hajdut psiqik që do të vjedhë të gjithë Shqipërinë.
“Projekti i teatrit kombëtar është projekt kriminal grabitqar. Ai ka vetëm një qëllim: grabitjen nga Rama të dhjetëra milionave euro. Njësoj si projekti i stadiumit, ku Edi Rama është pronari i vërtetë i gjysmës tij. Njësoj si projekti i unazës ku Edi Rama do vjedhë miliona euro. Një hajdut psiqik që nuk ngopet pa vjedhur të gjithë Shqipërinë”, shkruan Basha
Në fund të statusit të tij, Basha shkruan se “gropa që mendojnë se do të hapin në truallin e teatrit do të jetë gropa e tyre”.
“Dua t’i them troç çdo arkitekti të huaj e vendas, çdo funksionari, çdo drejtuesi nga më i parëndësishmi tek Edi Rama se do të përgjigjen para drejtësisë për këtë korrupsion masiv dhe krimin që po i bëjnë pasurive dhe parave publike. Atyre që mendojnë se do të ndërtojnë, dua t’ju them se ndërtimi do të jetë burgu i tyre. Dua t’u them qartë: gropa që mendojnë se do të hapin në truallin e teatrit do të jetë gropa e tyre”, përfundon Basha./real-news.tv