fbpx

Temperaturat e larta po ‘shkrijnë’ vendin, por nuk do mungojnë as…/ Çfarë do të ndodhë me motin në fundjavë?

640-0-62ed338c5f4a5.jpg

Temperaturat e larta do të mbizotërojnë edhe gjatë fundjavës, të cilat do të arrijnë deri në 40 gradë celsius në zona si Fieri dhe Berati.

Ndërkohë që në zonat malore dhe në verilindje të vendit do të ketë vranësira gjatë mesditës të cilat do të shoqërohen nga reshje të dobëta shiu.

Në këtë mënyrë si për ditën e Shtunë (nesër) ashtu dhe për ditën e Diel moti parashikohet kryesisht i kthjellët por nuk do të mungojnë edhe alternimet e vranësirave kalimtare. Në orët e nxehta të ditës (nga orët e mesditës deri ato të pasdites) në relievet malore në lindje si dhe ato kodrinore – malore në jug vranësirat do të jenë hera-herës deri të dendura.

Për ditën e Diel vranësirat në relievet kodrinore – malore në jug dhe lindje do të shoqërohen me reshje shiu të dobëta dhe lokale. Megjithatë nuk përjashtohet mundësia e shtrëngatave apo rrebesheve të izoluara dhe afatshkurtra.

Advertisement
REKLAMO NE REALNEWS +355 69 33 33 303