Kujt iu drejtua kryeministri Edi Rama me shprehjen, “What the Fuck” dhe çfarë fshihet pas saj?
Edi Rama ishte në Pejë sot dhe lëshoi disa deklarata të forta në mbledhjen e përbashkët të dy qeverive, mes të cilave edhe frazën “What the fuck”, duke iu referuar sjelljes së Bashkimit Evropian.
“Ministri i Punës dhe Çështjeve Sociale të Kosovës po më tregonte mbrëmë se si në Beograd, deri në dy të natës, me anë të dërguarve të Europës, i kërkonin të hiqte fjalën REPUBLIKA E KOSOVËS nga fjalimi që do të mbante në konferencën e përbashkët. What the fuck”, tha Rama.
Këtë frazë, ai e sqaroi në Open, duke theksuar se e tha në një kontekst shumë preciz: “Nuk mund ta përkthej në shqip, është e thënë në një kontekst shumë preciz. Nëse fjalën e nxjerr nga konteksti, atëherë ajo ndryshon trajtë. Fjala në vetvete është thënë në një moment preciz. Mesazhi ishte në gjithë gjatësinë e mbledhjeve mes dy qeverive, nga fillimi deri në fund”.
