Ka përfunduar ‘saga’ katërditore e Presidentit të Kosovës Hashim Thaçi në Hagë. Pas intervistës nga Prokurorët e Speciales ai do të kthehet sot në Atdhe.
“Indeksonline” shkruan se Thaçi fillimisht do të zbresë në Shqipëri, ku pritet më pas të jap më shumë detaje nga deklaratat e tij në Hagë.
Burimet thanë se është duke u përgatitur një tubim për t’i uruar mirëseardhjen presidentit Thaçi në pikën kufitare në Morinë, në orën 19:30.
Por është bërë thirrje që qytetarët që marrin pjesë në këtë tubim të kenë flamurin e maskën me vete, duke mbajtur distancë. “Unë nuk kam bërë asnjë lloj krimi. Tani i mbetet drejtësisë të vendosë paanshëm”, ka thënë Thaçi mbrëmë pasi ka kryer intervistimin në Hagë.