“Theu karantinën”/  Policia e Durrësit: Gjobë dhe heqje patente për Lulzim Bashën

Screenshot_6-10-600x360.png

Policia e Durrësit ka nisur një procesim penal ndaj kryetarit të PD-së Lulzim Basha, i cili kreu një takim me tregtarët e qytetit bregdetar në një ambient të mbyllur. Procedimi ka nisur me akuzën e ‘shkeljes së rregullave kundër përhapjes së Covid-19’ dhe pëveçse Bashës, janë proceduar dhe pjesëmarrësit e tjerë. Gjithashtu një gjobë i është vënë dhe pronarit të lokalit ku u krye takimi.

“Policia e Durrësit ka konstatuar me shqetësim një aktivitet partiak të zhvilluar në mjedisin e mbylluar të një lokali, në kundërshtim me Aktin Normativ, “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga virusi COVID-19″. Ky aktivitet, që është publikuar gjerësisht sot edhe në media, ka imponuar procedimin administrativ, bazuar mbi Aktin Normativ”.

Bazuar mbi Aktin Normativ, është marrë masë administrative 1 milionë lekë për pronarin e lokalit, shtetasin A.H.

Njëkohësisht janë ndëshkuar me masë administrative gjobë dhe me tërheqje të lejes së drejtimit shtetasit pjesëmarrës në këtë aktivitet, L.B, F. Xh., A. M., R. G., A. B., V. N., E. H., A.B., D. B., J.M. dhe A.H.

Policia e Shtetit apelon për të gjithë qytetarët, sidomos ata në zonat e kuqe që të respektojnë me rigorozitet oraret e lëvizjes dhe të distancimit social dhe në këtë kuadër kërkon mirëkuptimin dhe ndihmën e qytetarëve në të gjithë vendin, që të kontribuojnë secili në mbrojtjen e shëndetit nga kërcënimi i virusit vdekjeprurës COVID-19.

Policia e Shtetit do të vijojë me angazhim të plotë e vullnet të palëkundur veprimtarinë e vet ligjzbatuese, në mbrojtje të jetës dhe rendit publik në kushtet e jashtëzakonshme të fatkeqësisë natyrore.

Advertisement
REKLAMO NE REALNEWS +355 69 33 33 303