fbpx

Tmerri në Janinë, kjo është banesa ku nipi mbante 69-vjeçaren e pajetë për t’i marrë pensionin

8BB113BA-02A7-42E9-B350-090E7468D2C1.jpeg

Mediat në Greqi kanë publikuar pamje nga banesa ku u gjet e pajetë e moshuara që mbahej e fshehur nga nipi i saj 55-vjeçar.

Bëhet fjalë për ngjarjen që tronditi Janinën mëngjesin e sotëm pasi policia gjeti trupin e pajetë të një 69-vjeçareje duke u dekompozuar brenda bagazhit të një makine. Automjeti ku ishte futur trupi i të moshuarës ndodhej i parkuar në garazhin e banesës ndërsa nipi i saj e kishte vulosur me ngjitës në mënyrë që të shmangte qarkullimin e aromës së rëndë. Dyshimet u ngritën nga fqinjët që raportuan se prej disa muajsh e moshuara nuk ishte parë në zonë.

Viktima sipas policisë ka vdekur për shkaqe patologjike 2-3 muaj më parë ndërsa nipi 55-vjeçare u arrestua, pasi akuzohet se ka futur trupin e të moshuarës në bagazhin e makinës duke mos raportuar për vdekjen e saj në mënyrë që t’i merrte pensionin.

Siç raportojnë mediat në Greqi, nipi i të moshuarës nuk është një personazh i panjohur për autoritetet. Ai njihet për një grabitje dhe tentative vrasjeje të kryer në mesin e viteve 1980. Ai ka bërë tre vite burg dhe është arratisur në vitin 1992. Në vitin 2006 ai u arrestua dhe u dërgua në burg për të vuajtur pjesën e mbetur të dënimit. Ndaj tij ka pasur edhe akuza për përdhunim.

REKLAMO NE REALNEWS +355 69 33 33 303