fbpx

Tragjike/ Ndahet nga jeta në moshën 36-vjeçare mjeku stomatolog

Presidenti i Urdhrit të Stomatologëve ka njoftuar sot lajmin e hidhur për ndarjen nga jeta të mjekut stomatolog, Arlind Lala në moshën 36-vjeçare.

“Me hidhërim të thellë ju njoftojmë se është ndarë nga jeta Dr.Arlind Lala, lindur më 9 Korrik 1984, në qytetin e Durrësit. Ai u diplomua në vitin 2007 pranë Fakultetit të Mjekësisë, Dega Stomatologji. Dr.Arlindi ushtronte aktivitetin e tij si dentist në qytetin e Shijakut.

Në emër të Urdhrit të Stomatologut i shpreh ngushëllime familjes, bashkëshortes e të gjithë miqve e kolegëve të tij. U prehsh në paqe Dr.Arlindi !Presidenti i U.S.SH,” shkruan Deda në postimin e tij.

Kujtojmë që në vitin 2017  Arlind Lalës iu vendos dy herë eksploziv në aktivitetet e tij private.

Lalës hërën e parë iu vendos eksploziv tek klinika e tij dentare private dhe herën e dytë në një magazinë të cilin ai e kishte marrë me qera.