Një ngjarje e rëndë sapo ka ndodhur te spitali Covid-2 “Shefqet Ndroqi”, ku një pacient i infektuar me koronavirus është hedhur nga kati i katërt.
Raportohet se viktimë ka mbetur një 65-vjeçar me inicialet M.H., i cili kishte vetëm dy ditë që ishte shtruar në spital.
Bëhet me dije se ai ndodhej në gjendje të rëndë shëndetësore, por jo i intubuar.
Ndërkohë, ky është rasti i dytë brenda pak javësh, pasi kujtojmë se më 13 gusht, një i ri u hodh nga kati i tretë i këtij spitali, në gjendje të rënduar psikologjike, duke ndërruar jetë.

