Një tragjedi ka ndodhur në familjen e një oficeri policie në Renti të Greqisë. Ai u përpoq të pastronte armën e shërbimit pa e ditur se kishte një plumb.
Mediat greke raportojnë se në atë moment arma u shkrep duke lënë të vdekur në vend bashkëshorten e tij. Incidenti tragjik u regjistrua pasditen e kësaj të shtune.
Një ekip policor shkoi menjëherë në vendngjarje për të sqaruar rrethanat e ngjarjes tragjike. Pas kryerjes së verifikimeve do të përcaktohet edhe shkaku i vërtetë i saj.