Trajneri i Eibarit: Messi pushim? Ai bastard pushon gjatë ndeshjeve!

“Messi nuk luan? Nuk mendoj se Messi do të bëjë pushim. Ai bastard pushon gjatë ndeshjeve.” Kështu e ka komentuar trajneri i Eibarit, Mendilibar, mundësinë që 6 herë fituesi i topit të artë të mos luajë në takimin e radhës në La Liga (Barcelona-Eibar), për të ruajtur forcat për takimin e Championsit kundër Napolit.

“Leo e e di se kur duhet të marrë pjesë në lojë e kur duhet të pushojë. Nëse do t’i jepnin një ditë pushim, do të lodhej më shumë duke e parë ndeshjen nga tribuna.”

Deklaratë e rëndë, që në Spanjë nuk ka kaluar pa u komentuar. Në fund të fundit, Mendilibar e ka provuar në kurrizin e tij në të kaluarën se çfarë do të thotë të shpresoj që Messi të mos luajë e më pas ta gjesh në fushë.

“Një herë, kur drejtoja Osasunën, shkuam të luanim një ndeshje të Kupës së Mbretit në “Camp Nou”. Në mëngjes thuhej se Messi nuk do të luante, sepse kishte shqetësime në stomak dhe ethe. Pastaj, pas drekës, u zbulua se është grumbulluar dhe do të jetë në stol. Ne ishim duke humbur 2-0 kur e pamë të bënte nxemjen. Hyri, shënoi dy gola dhe ne humbën 4-0.”