fbpx

Tre lojtarët e Partizanit sherr me Deian Boldor, i shkojnë poshtë pallatit dhe e qëllojnë në sy të motrës

pjimage-17.jpg

Teksa tre lojtarë të tjerë të klubit të Partizanit kanë dalë të infektuar me Covid-19, duket se gjërat nuk po shkojnë siç duhet në këtë situatë të vështirë.

Mbrojtësi rumun Deian Boldor dhe Besnik Ferati ishin të parët që dolën të infektuar me Covid-19, por së fundmi pozitiv kanë rezultuar edhe Erald Çinari, Esat Mala dhe Kristi Kote të cilët fatmirësisht janë asimptomatikë.

Së fundmi ka pasur një sherr mes lojtarëve të Partizanit. Top Channel mëson se fillimisht infektimi me Covid-19 është pritur me qetësi nga Çinari, Mala dhe Kote, por gjakrat janë nxehur pas një bisede të tyre me lojtarin nga Rumania Deian Boldor. Dyshohet se sherri mes lojtarëve ka nisur për shkaqe banale dhe jo për infektimin me Covid-19.

Pas debateve në telefon, gjërat kanë shkuar edhe më tej, ku lojtarët kanë shkuar poshtë pallatit ku jeton Deian Boldor për tu sqaruar. Por në debate e sipër sherri ka agravuar në përdorimin e forcës, ku është dashur edhe ndërhyrja e policisë dhe e ambulancës. Në këtë situatë ka qenë e pranishme edhe motra e lojtarit rumun, Denisa Boldor e cila është mundur që të ndaj futbollistët. Ndërkohë pasi vëllai i saj është marrë nga ambulanca edhe Denisa është nisur me makinën e saj pas tyre, duke shoqëruar të vëllanë.

Ndërkohë në zbatim të protokollit të miratuar nga Ministria e Shëndetësisë dhe Mbrojtjes Sociale, lojtarët janë izoluar dhe nuk do të jenë pjesë e skuadrës për ndeshjen e radhës.

Nga ana tjetër, dje Partizani njoftoi se ekipi gëzon gjendje optimale dhe pavarësisht mungesave është gati për të dhënë maksimumin në derbin me Tiranën. /TCH

 

 

REAL NEWS

Advertisement
REKLAMO NE REALNEWS +355 69 33 33 303