Kryeministri grek, Alexis Tsipras ka reaguar pas funeralit të Kostandinos Kaçifas.
Kreu i qeverisë greke theksoi se kjo ngjarje nuk duhet të ndikojë në marrëdhëniet mes dy vendeve.
“Është një ditë zie për familjen që ka humbur fëmijën, hidhërimi dhe zemërimi janë të justifikuara. Greqia bëri atë që duhej të bënte me autoritetet shqiptare. Kjo ngjarje e pakëndshme nuk duhet të ndryshojë strategjinë tonë për t’u afruar më shumë me Shqipërinë. Atë ditë (më 28 Tetor), në fshat po varroseshin eshtrat e heronjve tanë të rënë në Shqipëri. Këto zhvillime duhet të garantojnë të gjitha të drejtat e pakicës greke”, ka thënë Tsipras në një intervistë televizive.
