fbpx

U arratis drejt Belgjikës pas audiopërgjimit, si e mësoi “Babalja” kërkesën e Prokurorisë për dënimin me burg

Albert-Veliu4-600x360.jpg

Teksa Prokuroria e Tiranës kërkoi dënimin e tij me 3 vite e 6 muaj burg, Albert Veliu ka firmosur marrjen e dijenisë për procesin nga Belgjika, ku edhe është arrestuar. 

Pas rreth 1 viti nga largimi nga Shqipëria, pritet që Albert Veliu, ose i njohur gjerësisht si “Babalja”, të ekstradohet nga Belgjika.

Mësohet se kërkesa për azil e Veliut nuk është pranuar nga autoritetet belge dhe së shpejti do të nisin procedurat e ekstradimit.

Albert Veliu u largua nga vendi pak kohë nga publikimi i audiopërgjimit, ku Partia Demokratike pretendoi se Veliu fliste me vëllain e ish-ministrit të Brendshëm, Agron Xhafës, Geron Xhafën, për një rast të trafikut të drogës.

Me ekstradimin e tij, Veliu pritet të përballet me akuzat në Gjykatën e Tiranës, e cila është në përfundim të procesit gjyqësor. Albert Veliu fillimisht u largua për në Kosovë, ku kërkoi azil politik, me pretendimin se në Shqipëri i rrezikohej jeta.

Por kjo kërkesë iu rrëzua, ndërsa e la Kosovën, duke shkuar fillimisht në Hungari e më pas në Belgjikë. Sërish, Veliu kërkoi azil, kërkesë e cila është refuzuar dhe pritet të nisin procedurat e ekstradimit.

Veliu është personi që dëgjohet në audio-përgjimin e publikuar nga PD, e më pas e ka pranuar në një dalje publike se ai ishte dëshmitari X dhe se bashkëbiseduesi i tij ishte vëllai i ish-ministrit, Agron Xhafaj.

Advertisement
REKLAMO NE REALNEWS +355 69 33 33 303