Një grua 39 vjeç ka humbur jetën sot si pasojë e koronavirusit në Kosovë. Ajo u diagnostikua dje me Covid-19 teksa ishte futur në sallën e operacion pa e ditur që ishte e prekur.
Lajmin e ka konfirmuar për mediat kosovare drejtori i Shëndetësisë në Istog, Mujë Osmanaj.
“Po, ka vdekur. Informatën e mora nga familjarët. Ajo kishte vdekur para një ore. Informata tjera momentalisht nuk kam”, tha Osmanaj për gazetën Express.