Kreu i qeverisë Edi Rama gjatë bashkëbisedimit me qytetarët vlonjatë, nuk ka kursyer batutat për Presidentin Ilir Meta për të cilin u shpreh se para tij, Bujar Nishani duket i standardeve të presidentit amerikan Xheferson.
Rama ka sulmuar dhe drejtuesin politik të PD-së në këtë qark, të cilin e akuzon se pi raki, dhe del e flet broçkulla rrugëve.
“Presidenti thotë çfarëdo qoftë që i duket se prodhon vota për ndërmarrjen e tij partiake, që e drejton fiktivisht e shoqja. President që përdor një projekt rruge për të përçarë dhe jo bashkuar, ky vend nuk ka pasur. E kam thënë dhe e përsëris, që Meta ka marrë gjithçka, e ka bërë Bujar Nishanin që të duket si Xhefersoni. Po të nisesh nga standardet e Ilir Metës.
Si të gjitha që bën Iliri bllokimi i rrugës së Selenicës ishte tragji-komike, kjo është e vërteta, ne ribëmë të gjithë projektin, e sollëm në një kosto të arsyeshme, dhe Fondi i Zhvillimit ka shpallur garën, kështu që kjo rrugë do bëhet.
Unë nuk besoj që të ketë vlonjatë dhe labë, që të hajë këtë kokërr ulliri nga pjata e mezesë së Leskos që pi raki dhe del e flet kot rrugëve. E sigurtë është që ne do të bëjmë rrugën, e kemi ngrënë me bukë turpin e presidentit, dhe i kemi kërkuar sauditëve që të ndryshojnë një klauzolë në kontratë. Sa më shumë bllokime që të bëjnë, aq më shumë do të marrin reston mbrapa”, tha Rama.